Беларускі дзяржаўны музей народнай архітэктуры i побыту

Калі ласка,- у наш куточак райскі
Над славутай Менкаю-ракой –
Тут і быль адвечная і казка
Падаруе ўзнёслы вам настрой!

Малады і сталы, прыпыніся,
Нізка пакланіся хаце той,
Дзе твой слаўны прадзед нарадзіўся
І пакінуў след глыбокі свой!
Уладзімір Пецюкевіч

220004 Мінск, вул. Кальварыйская, д.17, к.614 (Адміністрацыя). Тэл.: +375 17 209-41-63 (пн-пт 9.00-17.20)
223021 Мінскі р-н, п.а. Азярцо (тэрыторыя музея). Тэл.: +375 17 507-69-37

Музей працуе |   Парадак разгляду зваротаў грамадзян |   Адміністрацыйныя працэдуры

Пост-рэліз

Акцыі “Садатам Перамогі прысвячаецца….”, прымеркаванай да 70-годдзю Перамогі ў Вялікай Айчыннай вайне.

6, 7, 8 і 9 мая 2015 года Беларускі дзяржаўны музей народнай архітэктуры і побыту арганізаваў і правёў Акцыю, прысвечаную 70-годдзю Вялікай Перамогі ў Вялікай Айчыннай вайне. У яе межах  8 мая з 12.00 да 13.30 адбылася сустрэча-віншаванне “Фронтовики! Оденьте ордена!” ветэранаў Маскоўскага раёна г.Мінска.

З хлебам-соллю, з кветкамі і шчырымі словамі ўдзячнасці супрацоўнікі музея разам з піянерамі – вучнямі Азярцоўскай сярэдняй школы і Сярэдняй школы № 111 г.Мінска – сустрэлі 9 ветэранаў. Самаму сталаму госцю 93 года.

Падрабязней...
 

Прэс-рэліз

Прэс-рэліз культурна-масавага мерапрыемства “VIP-пікнік “Развітанне са школай - 2015”

30 мая 2015 года з 14.00 да 20.00 Беларускі дзяржаўны музей народнай архітэктуры і побыту запрашае выпускнікоў школ на “VIP-пікнік “Развітанне са школай - 2015”.

У гэты дзень юнакам і дзяўчатам, настаўнікам і бацькам прапануем прыняць удзел у цікавай гульнёва-забаўляльнай праграме з майстар-класамі,  конкурсамі і атракцыёнамі ( Xbox, “караоке”, “надуўны атракцыён”, “слізкі турнік”, конкурс “хвіліна славутасці”).

Вядучыя навучальныя  ўстановы г.Мінска  прадставяць  выступленне творчых каманд і паведамяць  інфармацыю аб умовах паступлення ў 2015 годзе.

Падрабязней...
 

Прэс-рэліз мерапрыемства «Сем бед – адзін атвет»

Беларускі дзяржаўны музей народнай архітэктуры і побыту 16 мая з 13:00 да 17:00 запрашае дзяцей і дарослых на мерапрыемства, прысвечанае Міжнароднаму дню сямей і Міжнароднаму дню музеяў.

Кожны дзень сям’і прадугледжвае стасункі з рознымі пакаленнямі, выхаваннем дзяцей  адпачынкам і… гаспадарчымі клопатамі. Але не заўсёды атрымліваецца так як хацелася бы. Няўдачу па гаспадарцы маладая гаспадыня часта называе бядой. Любую бяду — малую ці вялікую — пераадолее дружная  і моцная сям’я, дзе адзін за ўсіх і ўсе за аднаго.  Народная мудрасць кажа: «Сем бед — адзін атвет».

Падрабязней...
 

ПЛАН МЕРАПРЫЕМСТВАЎ “САЛДАТАМ ПЕРАМОГІ ПРЫСВЯЧАЕЦЦА...”

прысвечаных святкаванню 70-годдзя Вялікай Перамогі  ў Беларускім дзяржаўным музеі народнай архітэктуры і побыту.

У рамках святкавання 70-годдзя Вялікай Перамогі Беларускі дзяржаўны музей народнай архітэктуры і побыту абвяшчае акцыю “САЛДАТАМ ПЕРАМОГІ ПРЫСВЯЧАЕЦЦА...”

Падрабязней...
 

1 І 9 МАЯ 2015 ГОДА ЭКСПАЗІЦІЫЯ МУЗЕЯ ПРАЦУЕ.

ШАНОЎНЫЯ НАВЕДВАЛЬНІКІ!

1 І 9 МАЯ 2015 ГОДА ЭКСПАЗІЦІЫЯ МУЗЕЯ ПРАЦУЕ.

 

Прэс-рэліз мерапрыемства «Юр’я»

Беларускі дзяржаўны музей народнай архітэктуры і побыту запрашае 25 красавіка 2015 года з 15:00 да 18:00  на канцэртна-абрадавую дзею “Юр’я”.

Юр’я - старажытнае свята народнага календара адзначаецца 6 траўня(23 красавіка па старым стылі) у гонар святога Георгія-пераможца — заступніка свойскай жывёлы і сялянскай нівы. У хрысціянскія часы яму былі нададзеныя рысы і функцыі язычніцкага бога Ярылы.

Веснавы Юр’я  знаменаваў сабою сапраўдны пачатак вясны. Менавіта з гэтага дня,  як лічылі амаль усюды, пачынае кукаваць зязюля,  зямля і ўвесь раслінны свет апранаецца ў зеляніну. Юр’я, як правобраз веснавога Сонца разбівае злыя чары зімы, абуджае зямлю і пускае на яе расу, ад якой усё жывое на зямлі набірае рост і моц. На Юр’е сяляне выходзілі з песнямі і ахвярнымі стравамі аглядаць свае зарунелыя палеткі. З Юр’ем звязваўся, як правіла, і першы выпас жывёлы. Адначасна з апякунствам свойскай жывёлы Юр’я лічыўся валадаром ваўкоў. У народзе ўяўлялі, што Юр’я едзе на белым кані і замыкае пашчы дзікім звярам, пасля чаго тыя менш нападаюць на скаціну. Свята было напоўнена шматлікімі абрадавымі дзеяннямі, песнямі, павер’ямі, прыкметамі  заклінальнага характару.

Падрабязней...
 


Старонка 1 из 34



Вы былі ў музеі?
 

 

Музеі прызначаны захоўваць культурную спадчыну, якую пакінулі нам папярэднія пакаленні. Дэвізам усіх наведвальнікаў павінен стаць лозунг

Наслаждайся, но не уничтожай!

Дэкларацыя Міжнароднага Савета Музеяў (ICOM)

Сусветнай Федэрацыі Сяброў Музеяў (СФСМ)





Кантакты
Мапа праезду
Зваротная сувязь


Президент Республики БеларусьПрезідэнт Рэспублікі Беларусь Прававы Інтэрнэт-Партал Савет міністраў

Сістэма Orphus