Разнастайныя тэматычныя экскурсіі дазваляюць неаднаразова наведаць музей і падрабязней пазнаёміцца з матэрыяльнай і нематэрыяльнай спадчынай беларускага народа. Яны праводзяцца на беларускай і рускай мовах. З характэрнымі асаблівасцямі народнай драўлянай архітэктуры і побыту гісторыка-этнаграфічных рэгіёнаў Беларусі наведвальнікі даведваюцца на экскурсіях па экспазіцыйных сектарах: “Цэнтральная Беларусь”, “Падняпроўе” і “Паазер’е”. На англійскай мове падрыхтавана экскурсія па экспазіцыйнаму сектару “Цэнтральная Беларусь”. Экскурсія “Беларускі лён” па выстаўцы, якая размешчана ў памяшканні помніка народнай архітэктуры “Гумно з в.Заброддзе Стаўбцоўскага р-на” (сектар “Цэнтральная Беларусь”), знаёміць з традыцыйнымі прыладамі працы па апрацоўкі ільну на Беларусі ў кан.ХІХ – пач.ХХ стст., а таксама з фотаматэрыяламі па сучаснаму тэхналагічнаму працэсу.
Пра борці, калодныя і рамавыя вулеі расказваецца на экскурсіі “Пчалярства на Беларусі”. Выстаўка на гэтую тэму знаходзіцца ў паветцы помніка народнай архітэктуры “Вяночны двор з в.Волева Дубровенскага р-на” (сектар “Падняпроўе”).
Веды аб сухапутных і водных відах транспарту, а таксама аб іх выкарыстанні можна атрымаць на экскурсіі “Транспартныя сродкі на Беларусі”. Сані, мажары, калёсы і інш. выстаўлены ў памяшкані помніка народнай архітэктуры “Пуня з в.Ваўкашчына Міёрскага р-на” (сектар “Паазер’е”).
|
Назва тэматычнай экскурсіі |
Працягласць экскурсіі
(гадзін) |
Кошт экскурсійнага абслугоўвання на групу да 25 чалавек (руб.) |
|
“Цэнтральная Беларусь” |
2,25 |
51 000 |
|
“Цэнтральная Беларусь” (на англійскай мове) |
1,5 |
85 000 |
|
“Падняпроў’е” |
1,25 |
30 000 |
|
“Паазер’е” |
2 |
45 200 |
|
“Беларускі лён” |
0,75 |
17 000 |
|
“Пчалярства на Беларусі” |
0,5 |
15 000 |
|
“Транспартныя сродкі” |
0,5 |
15 000 |
