Беларускі Дзяржаўны Музей Народнай Архітэктуры і Побыту

Выстава “Беларускі лён”

Год стварэння: 2005 г.

Месца экспанавання: сектар Цэнтральная Беларусь.

Стваральнікі: Собаль В.Е., Жукава А.М., Лакотка С.А.

Беларускі дзяржаўны музей народнай архітэктуры і побыту прадстаўляе выставу “Беларускі лён”. Выстава размешчана ў гумне сядзібы з в. Заброддзе Стаўбцоўскага раёна. Экспанаты адлюстроўваюць увесь працэс апрацоўкі ільну – расліны, якая з’яўляецца знакавай у традыцыйнай беларускай культуры.

Выстава “Пчалярства на Беларусі”

Год стварэння: 2005 г.

Месца экспанавання: сектар Падняпроўе.

Стваральнікі: Жукава А.М., Канавальчык Ю.

Беларускі дзяржаўны музей народнай архітэктуры і побыту прадстаўляе выставу “Пчалярства на Беларусі”. Выстава размешчана ў павеці помніка народнай архітэктуры “Вяночны двор з вёскі Волева Дубровенскага раёна”.

Сабраныя ў ходзе экспедыцый борці, вуллі, барцяныя клеймы, спецыяльныя прылады аховы борцяў ад мядзведзя, ляснога аматара мёда, адлюстроўваюць гісторыю развіцця культурнага пчалярства на Беларусі з даўніх часоў.

На базе выставы па папярэдняй замове праводзіцца тэматычная экскурсія з інтэрактыўнымі элементамі “Камяедзіца”.

Выстава “Транспартныя сродкі на Беларусі”

Год стварэння: З 18 мая 2003 г.

Месца экспанавання: сектар Паазер’е.

Аўтар выставы: Салодкіна Л.У., Канавальчык Ю.

Беларускі дзяржаўны музей народнай архітэктуры і побыту прадстаўляе выставу “Транспартныя сродкі на Беларусі”. Выстава размешчана ў пуні – помніку традыцыйнай архітэктуры з вёскі Ваўкаўшчына Міёрскага раёна, які прадстаўляе гуменную гаспадарчую пабудову рэгіёна. Унутраная прастора помніка адаптавана для экспанавання калекцыі сродкаў перамяшчэння, сабраных ў ходзе экспедыцый.

На выставе прадстаўлены выездныя і рабочыя транспартныя сродкі, якімі  карысталіся ў летні і зімовы час: сані, калёсы, брычкі, мажары былі неад’емнай часткай паўсядзённага народнага побыту і традыцыйнага гістарычнага ландшафту з даўніх часоў.